bbuko pposo!

assalamualaikum...

hari nih CT poso(akhirnyo CT berjayo jugok nok poso sunat Sya'ban-hoo lah, mugo bulae Sya'ban ado tok sapa seminggu lagi dih..) sedih sungguh nah teraso, narakko baru sari jah CT poso sunat. ish3x...

serow po jahey tukey sungguh nak. doh la dosa banyok, pahalo pung tok banyok mano, Allah wwi pluae(peluang) nok suroh wak ama ibadat pung tok sae guno...

astaghfirullahalazzim...

dok tahu lah CT nok royak ggapo.

insaf meta hari nih(mugo poso kae)

laing sungguh raso dio dih.

yae sbena nyo CT dok tahu nok bbobae gapo hari nih, just nok share perasaae(perasaan) baru lepah bbuko pposo.

tibo2 nyo mari teringak ko ustaz CT masa zamae skoloh mulo. kalu bulae poso gak, dio brahi sunggoh crito pasa nikmat2 orae hok poso nih. saloh 1 nyo nikmat masa kito bbuko poso. masa tu gak kito sserow suko sungguh dih lepah ssarian dok tahan lapa nge dahaga. maso bbuko tu la kito teraso nikmat nyo.

tapi gak kito keno la jugok ingat ko orae hok susoh dih, jangae dok bazir.mmeta ko poso gak, sremo(semua) nok makae skali hadak jah. pahtu gak malah doh la wey nok g teraweh. btow dok, ko guano..?

tapi gak, nikmat hok maso bbuko tuh nikmat dunio jah, ccu bayae nikmat hok kito buleh di akhirat kekgi, tok leh nok bayae kae? mugo terlampau banyok nikmat dio...

so, kito keno la bbtol niat kito nok poso nih. ado orae tuh poso sebab nok diet, ado tu sebab sakik lah. buleh kalu kito nok niat gitu, tapi gak hok tu bukae niat kito hok utamo lah. hok niat nok diet ko, nok sihat ko, hok tu memae kito akae buleh otomatik kalu kito poso dengae erti kato yae sebena... ikut sunnah rasulullah, contoh nyo bangun ssaho... bbuko dengae buoh khemo(kurma).

crito pasa buoh khemo nih, CT nok share la ggapo hok CT tahu. buoh khemo nih baguh untuk kesihatan badae kito nih. tahu dok bakpo nabi Muhammad suroh kito bbuko dengae buoh khemo?

sebab  nyo buoh khemo nih, dio ado gulo ringkas, hok kito panggil sebaga GLUKOSA. Glukosa nih adik kakok, bukae macae gula hok kito dok kaca dalae air tae tuh. hok nih gulo hok memae paling ringkas doh. gak kalu kito makae or minum glukosa nih, nyo serap slalu dalae daroh kito, jadi gak kito raso bertenago slaluh!

kalu macae gulo hok wak kaca air tae tuh, badae kito keno proses dulu baru nyo buleh masuk dalae daroh, baru kito serow sega. so kalu kito makae buoh khemo nih, kito akae dapak tenago slalu la. pahae dop?

tak po lah kalu dok pahae gak. tapi hok penting kito akae serow sega slalu lah lepah makae buoh khemo ni gak.

bbobae gapo toh... CT bukae nok jjadi ustazah hari nih, just want to share the info with everybody. so, CT harap info hok CT wwi nih bermanfaat lah kepado ssapo2 hok baco...

so, till then..

wassalam...

-----(@

The Other Side of US!

In the journey called LIFE sometimes, we will tent to hate the other side of us. Deep down inside, we all sure having two sides that keep on arguing whenever we want to decide something important in our life. However, we will still be the one who will decide which side we are on eventually. But no matter which side we are on, we will always in doubt about ourselves and the decision we have made. However, life must go on and we still have to continue this journey of life together with the other side of us; which we hated the most.

Assalamualaikum…

Theee…

Sserow nok berfalsafah mmeta buleh..?

So what do you think?

Betow dop ggapo hok CT tulih datah tuh..?

Ni pendapat CT la kae… dok tahu la orae laing. Mugo CT nih confuse sokmo kalu nok wak keputusae gapo-gapo. Nyo dok bbaloh sokmo duo oghae hok dok menginap dalae ppalo otok CT nih. Serabut sungguh nah sserow.

Jadi nyah, CT loni tengoh dok runsing, serabut ppalo dok mmikey nok sambung blaja ko dok… ikut CT nyah memae la CT nok sambung blaja sapa tahap hok paling tinggi, tapi hok jadi masaaloh nyo loni adalah ma nge abah CT hok dok sibuk suruh CT sambung blaja kok bidae hok demo nok..

CT ko, ma nge abah hok nok blaja nih..? 

CT jadi confuse… CT dok sae la lawae cakap ma nge abah CT tapi gak, CT nok buak ggapo hok CT suko la pulok loni. Mugo slamo keni CT ikuk sokmo kato ma nge abah. 

So for this time, just both ma and abah, let me decide my own life, buleh?

Tapi CT dok tahu nok royak guano ko ma nge abah. Nok royak dengae caro hok dok akae wak ssakik hati demo hok memae CT sayae do’oh. huhh…dok tahu lah guano…

Tapi, machae CT tulih datah lah, in the end, kito jugok hok keno pilih ggapo hok kito nok. Jadi gak nyoh kalu nok wak gapo-gapo gak, keno la mmikey perabih, the pro and cont keputusae hok kito nok buat tuh, patuh gak keno stand for our right la kae. jangae sapa nyesa dok sudoh pulok dih…ko guano..?

Thanks for reading…

------(>

The Hill of Broga...

assalamualaikum...

Kmaring(semalam) CT nge housemates gi mmanjat Bukit Broga di Semenyih. letih ka'loh wey. CT lamo doh dok mmanjat bukit or gunung nih. so kmaring terus g manjat jah, dok stretching dok ggapo, sapa-sapa di kaki bukit tu gak CT gi naik slaluh. gak nyo leloh la wey tok dae sapa datah. mugonyo CT ingat ko naik bukit sikit-sikit jah, ruponyo buleh tehae mencabar jugok jalae nok naik datah tuh. tapi gak ramai nyo orae tok soh dok royak lah kae...

kami tubik dumoh lepah suboh doh, dalae puko 6 ssuku kalih. mulo tuh ingat nok gi tengok matahari terbit(sunrise) la konon nye... tapi gak mugo ado saing srumoh hok demae, siae pulok ko dio nok keno bangung awa-awa llajok, mugo kawae tuh nyo makae ubat ssemo, jadi gak nyo tido sungguh la wey.. gak CT pung puko 5 baru bangung gak, mandi la, paka baju lagi, nok wak beka lagi(mugo nok gi breakfast atah bukit nih), puko 6 la baru buleh siak. pah suboh, kami ttolok slalu la.

sapa di semenyih pukol 7, gi beli nasi lemok dulu deh...jangae maroh..(padahha nok gi manjat bukit nih). pah sapa la di Broga Hill dalae puko 7.30 gitu. pahtu kami pung start la manjat dengae jayo nyo... kemaing laju gih kami manjat sapa kawae CT pucat kesi. mujo la CT ado bowok air gulo, lepah minung air gulo molek mula..

pahtu CT pulok raso nok mutoh nih, nyo tego ko demo hok ODW nok turun:

"Kalau rasa nak muntah makan la gula"

orae cino pulok tuh, terharu mmeta. 

tibo-tibo teraso semangat 1Malaysia di atas Broga Hill ini...Che wah!

sapa atah bukit dalae puko 8.30. akhir nyo bejayo jugok CT sapa di atah Bukit Broga nih. habih kosong perut CT(mugo nyo tubik blako tengoh jalae...=P)

kami pung kkeloh la di atah bukik dengae jayonyo...

BEST! 

best dooh serow!

 CT suko sungguh menikmati keindahan alam ciptaan Allah nih. 

Subhanallah... 

comey sungguh....

nih ado a few gamba hok CT dae snap ODW naik nge maso dok datah nuh...

CT di atas Bukit Broga...

p/s: saing-saing CT sumo ingak CT gi photo shoot di oversea bagai... mugo shot dio comey do'oh dih. tapi seriously CT serow kalu gi time sunrise or sunset mesti lagi comey...

Subhanallah!

Subhanallah!

Kuasa Allah...

thanks for reading...

-----^(@

bboring....

Assalamualaikum wbt…

Actually, I have no idea of what I’m going to blog right now. But feeling like bloging so much, so just let the keyboard do its job. So here I am, still thinking of the entry for the moment.

Jadi gak nyo, CT nok mikay mmeta deh…

"ggapo dio hok aku nok tulih nih..?" 

bosae dooh nih sapa tahap petala ke tujuh doh nih, ootok pung jjadi jeng la kalu doh boring tellajok gak dih? Emm… seriously tak dok idea…

should I come back later or what..? 

nok come back later pung nok g wak ggapo time law ni..?

Susoh dih kalu penyakit bosae nih menyerang. Nyo jadi jeng terus ppalo otok(kepala otak), hang tok leh nok wak ggapo doh.

Doh tak po lah kalu idea tok sae mari gak, nok wak guano dih.. malas doh nok mmikay, skalo gak tak yoh mmikay pung nyo mari macae-macae idea. Doh dio toksae mari gak tak po lah=(

Till then,

daaaa……………….

----(~